Thaenaaram | Tamil Obituary Notices | Remembrance Notices | Tamil Death Notices

மிரட்டிப் பணம் வசூலிக்கும் நியூ றென்ட்

இளைஞன் ஒருவரை நிர்வாணமாக ஒளிப்படம் மற்றும் காணொளி எடுத்து கப்பம் கேட்டு மிரட்டியதாக இளம் தம்பதி உள்ளிட்ட நால்வர் கோப்பாய் பொலிஸாரினால் கைது செய்யப்பட்டுள்ளனர்.

கோப்பாய் செல்வபுரத்தைச் சேர்ந்த இளம் கணவன், மனைவி மற்றும் அவரது சகோதரர்கள் இருவரே நேற்று இவ்வாறு கைது செய்யப்பட்டுள்ளனர்.

சந்தேக நபர்கள் முகநூல் போலிக் கணக்கில் சாவகச்சேரியைச் சேர்ந்த இளைஞருடன் நட்பாகியுள்ளனர். பின்னர் இளைஞனை கோப்பாய்க்கு அழைத்து தமது வீட்டில் அறையில் பூட்டிவைத்து நிர்வாணமாக்கி சித்திரவதை செய்ததுடன், ஒளிப்படம் மற்றும் காணொளிப் பதிவை மேற்கொண்டுள்ளனர்.

ஒளிப்படம் மற்றும் காணொளியை முகநூலில் பதிவேற்றப் போவதாக அச்சுறுத்தி இளைஞனிடம் 2 லட்சம் ரூபாய் பணத்தை கோரியுள்ளனர். அச்சமடைந்த இளைஞன் வங்கிக் கணக்கில் அந்தப் பணத்தை கடந்த வாரம் வைப்பிலிட்டுள்ளார்.
இந்த நிலையில் மீளவும் இந்த வாரம் அந்த ஒளிப்படங்கள் மற்றும் காணொலியை பதிவேற்றப் போவதாக மிரட்டி இளைஞனிடம் 5 லட்சம் ரூபாய் கோரியுள்ளனர்.

அதனால் அச்சமடைந்த இளைஞன் கோப்பாய் பொலிஸ் நிலையத்தில் முறைப்பாடு செய்திருந்தார். அதனை விசாரித்த பொலிஸார் இளம் தம்பதி உள்ளிட்ட நால்வரை நேற்று கைது செய்தனர்.

இளம் குடும்பத்தலைவர் இராணுவத்தின் வேலைப் பகுதியில் இணைந்து பணியாற்றி விலகியவர் என்று தெரிவிக்கப்பட்டது.
சந்தேக நபர்கள் விசாரணைகளின் பின் யாழ்ப்பாணம் நீதிவான் நீதிமன்றில் முற்படுத்தப்படவுள்ளனர்.

பூர்வீகமாக நெடுந்தீவு இடம்பெயரும் மக்களின் அவலநிலை

அடிப்படை வசதிகள் மற்றும் தொழில் வாய்ப்புகள் இன்மையால் பூர்வீகமாக நெடுந்தீவில் வாழ்ந்த மக்கள் பலர் இடம்பெயர்ந்து வருகின்றனர்.

யாழ்ப்பாணத்தின் மிகவும் பழமையான தீவுகளில் ஒன்றான நெடுந்தீவில் போதிய வசதிகள் இன்மை மற்றும் தொழில் வாய்ப்புக்கள் இன்மையால் பரம்பரை பரம்பரையாக அங்கு வாழ்ந்த மக்கள் இடம்பெயர்ந்து வருகின்றனர்.

குறிப்பாக, நெடுந்தீவு மேற்கு சாராப்பிட்டி வீட்டுத்திட்டம், நெடுந்தீவு கிழக்கு 12ஆம், 13ஆம் வட்டாரங்களை சேர்ந்த மக்களே அண்மைக்காலமாக அதிகளவில் வெளியேறி வருகின்றனர்.

ஒரு பகுதி மக்கள் வெளியேறி வருகின்றபோதிலும், வறுமைக்கோட்டின் கீழ் வசிக்கும் மக்களே தற்போது நெடுந்தீவில் வாழ்கின்றனர். இவர்கள் போதிய வருமானங்களின்றி பெரும் கஷ்டங்களை அனுபவித்து வருகின்றனர் என்றும் தெரியவருகின்றது.