Thaenaaram | Tamil Obituary Notices | Remembrance Notices | Tamil Death Notices

இப்பொழுது தமிழரசுக் கட்சியைப் பொறுத்தமட்டில் இத் தேர்தல் தொடர்பாக பல சாதகமானதும், பாதகமானதுமான குரல்கள் எழுப்பப்பட்டதனால் செயற்குழுவில் நாங்கள் ஒரு தீர்மானத்தை எடுக்க வேண்டியதாயிற்று.

கடந்த உள்ளுராட்சி தேர்தலில் தமிழ் தேசிய கூட்டமைப்பு வெற்றி பெற்றிருந்தபொழுதும் பெற்ற அனுபவங்களைக் கொண்டு தமிழரசுக் கட்சி ஒரு புதிய அனுபவத்தின் மூலம் வெற்றி பெறுவதற்கு நடைமுறை ஒன்று முன்வைக்கப்பட்டுள்ளது.

இது தொடர்பாக தமிழ் தேசிய கூட்டமைப்பக்குள் இருக்கின்ற ரெலோ மற்றும் புளெட் கட்சிகளுடன் நாங்கள் விவாதித்திருக்கின்றோம்.

நாங்கள் எடுத்திருக்கும் தீர்மானம் ஒரு பரிசோதனையாகவும் உள்ளது. ஒவ்வொரு கட்சியும் தங்களுக்கு வாக்களிக்குமாறு கேட்கும்.

நாங்கள் போட்டியிடும்போது எங்களுக்குள் போட்டியில்லாத நிலையில் வாக்குகளைப் பெற்று பின் நாங்கள் ஒன்றித்த நிலையில் தமிழ் தேசிய கூட்டமைப்பு ஆட்சி அமைக்க முனைவோம்.

அரசியல் தீர்வுக்கு எவ்வித பங்கமும் ஏற்படாத நிலையில் எமக்குள் ஒற்றுமையை இலக்காக வைத்தே இத் தேர்தலை நாம் அணுக வேண்டும்.

நாம் தனிமையில் போட்டியிட்டாலும், தமிழ் தேசிய கூட்டமைப்பிலுள்ள யாவரும் ஒன்றித்த நிலையிலேயே இத் தேர்தலைச் சந்திக்கின்றோம்.

ஊடகவியலாளர்களால் கேட்கப்பட்ட கேள்விகளுக்கு அவர் பதிலளிக்கையில்,

ஆட்சிக்காக நாங்கள் பிரிந்து செல்லவில்லை. மாறாக, இந்த தேர்தல் முறையால் நாம் அதிக வாக்குளைப் பெற்றாலும் ஆழும் தரப்பைவிட எதிர் அணியில் இருப்பவர்களின் பிரநிநிதித்துவம் அதிகமாக காணப்படுவதால்தான் ஒரு யுக்தியை கையாளுகின்றோம். நாங்கள் தேசிய கூட்டமைப்பாகவே தொடர்ந்து செயல்படுவோம்.

கேள்வி: தேசிய கூட்டமைப்பு கட்சியின் ஏனைய கட்சிகள் மற்றறைய தமிழ் கட்சிகளுடன் இணைந்து செயல்படும் நிலை ஒன்று உருவாகினால் உங்கள் எண்ணம் ஒத்துவருமா?

பதில்: நிச்சயம் அதுவும் நடக்கலாம் இருந்தும். எமது எண்ணம் தமிழர் உரிமைகளை பெறுவதே நோக்காக இருக்கும், இருக்க வேண்டும். ஏனைய தமிழ் கட்சிகளும் அந்த நோக்குடனே செயல்படுகின்றனர் என தெரிவித்தார்.