Thaenaaram | Tamil Obituary Notices | Remembrance Notices | Tamil Death Notices

அம்பாறை மாவட்டத்தின் கல்முனைப் பிராந்தியத்தில் உள்ள மிகவும் பின்தங்கிய தனிமைப் படுத்தப்பட்டுள்ள துரைவந்திமேடு எனும் குக்கிராமத்தைச் சேர்ந்த ஜனாசுகிர்தன் கிரண்யாஸ்ரீ எனும் நான்கு வயதுசிறுமி இரண்டு உலக சாதனைகளைப் படைத்துள்ளார்.

இவர் தனது இரண்டு கைகளாலும் ஏ-இசற் வரை குறுகிய நேரத்தில் எழுதி உலக சாதனையை படைத்துள்ளார். அவர் 2.38 நிமிடங்களில் இரு கரங்களினாலும் ஏ - இசற் வரை எழுதி இச் சாதனையை படைத்துள்ளார். அவரின் சாதனையை அவரே முறியடித்து 2 உலக சாதனைகளை படைத்துள்ளமையும் இங்கு குறிப்பிடத்தக்கது.

செல்வி. கிரண்யாசிறி முதலாவது சாதனை ஏ - இசற் =3.30 நிமிடங்களில் நிகழ்த்தியிருந்தார். தற்போது இரண்டாவது சாதனைஏ-இசற் = 2.38 நிமிடங்களில் நிகழ்த்தியுள்ளார்.

இவை இந்தியாவை தலைமையகமாகக் கொண்டு இயங்கும் இரண்டு உலக சாதனை நிறுவனங்கள் மூலம் நிகழ்த்தப்பட்டது . அதற்கான சான்றிதழ்களும் வழங்கப்பட்டுள்ளன.

குடும்பத்தில் ஒரே மகளான இவரின் தந்தை கலைஞராவார். தாய் ஒரு தாதிய உத்தியோகத்தராவார். அவரின் தந்தை உலகில் மிகச் சிறிய சிவலிங்கத்தை மரத்தில் செதுக்கி உலக சாதனை படைத்தவர் என்பது குறிப்பிடத்தக்கது.