Thaenaaram | Tamil Obituary Notices | Remembrance Notices | Tamil Death Notices

கிழக்கு மாகாணத்தின் பல்வேறு மாவட்டங்களிலும் கொவிட் திரிவு ஒமிக்ரோன் பரவல் தொடர்பில், எச்சரிக்கப்பட்டுவரும் நிலையில், டெங்கு நோய்பரவலும் அதிகரித்து வருவதாக அறிவிக்கப்பட்டுள்ளது.

தற்பொழுது அடிக்கடிபெய்து வரும் பெருமழை காரணமாக டெங்கு நுளம்புகள் பெருகும் சாதக நிலமை தோன்றியுள்ள நிலையில் சில பிரதேசங்களில் டெங்கு பரவலும் இனம் காணப்பட்டுள்ளது.

இதனால் கொவிட் பரவல் மட்டுமன்றி டெங்கு பரவல் தொடர்பிலும் மக்கள் விழிப்புடனும், பாதுகாப்புடனும் செயல்படுமாறு கோரப்பட்டுள்ளனர்.

கொவிட் தடுப்பூசிகளை குறிப்பாக மூன்றாவது பூஸ்டர் தடுப்பூசி பெறுவதில் அசட்டைகாட்டாது, அதனை விரைந்து பெற்றுக் கொள்ளுமாறு கிழக்கு மாகாண சுகாதார சேவைகள் பணிப்பாளர் டாக்டர். ஏ.ஆர்.எம். தௌபீக் கோரியுள்ள அதேவேளை, டெங்கு பரவல் தொடர்பிலும் பொது மக்களை எச்சரித்துள்ளார்.

தத்தமது சுற்றுச் சூழல், வெற்றுக்காணிகள் பழைய கட்டிடங்கள் போன்றவற்றில் டெங்கு பெருகா வண்ணம் சுத்தமாக வைத்திருக்க வேண்டுமெனவும் அவர் வலியுறுத்தியுள்ளார்.