Thaenaaram | Tamil Obituary Notices | Remembrance Notices | Tamil Death Notices

தென்மராட்சிப் பிரதேச செயலர் பிரிவுக்குட்பட்ட கோவிற்குடியிருப்பு கிராமத்தில் கொங்கிறீட் வீதி திட்டத்தில் தெரிவு செய்யப்பட்ட வீதிக்கு 10/02/2022 வியாழக்கிழமை அடிக்கல் நாட்டி வைக்கப்பட்டது.

யாழ் மாவட்ட அபிவிருத்தி ஒருங்கிணைப்புக் குழுத்தலைவர் அங்கஜன் இராமநாதனிடம் கிராம மக்கள் விடுத்த கோரிக்கையின் பயனாக கிராமிய வீதிகளை கொங்கிறீட் வீதிகளாக மாற்றியமைக்கும் திட்டத்தின் கீழ் 20இலட்சம் ரூபாய் நிதி ஒதுக்கீட்டில் குறித்த வீதி புனரமைக்கப்படவுள்ளது.

வீதிக்கான அடிக்கல்லினை அங்கஜன் எம்.பியின் பிரதிநிதியும்,சாவகச்சேரி பிரதேசசபை உறுப்பினருமான தி.தங்கவேலு சம்பிரதாய பூர்வமாக நாட்டி வைத்திருந்தார். குறித்த திட்டத்தில் அங்கஜன் எம்.பியின் பரிந்துரையின் கீழ் தென்மராட்சிப் பிரதேசத்தில் அறுபது கிராமிய வீதிகள் கொங்கிறீட் வீதிகளாக அபிவிருத்தி செய்யப்படவுள்ளமை குறிப்பிடத்தக்கது.