Thaenaaram | Tamil Obituary Notices | Remembrance Notices | Tamil Death Notices

9 தமிழக மீனவர்கள் சென்னை திரும்பினர்

(எஸ் தில்லைநாதன்)

இலங்கை கடற்பரப்பில் அத்துமீறி மீன்பிடித்த குற்றச்சாட்டில் கைதான 9 மீனவர்கள் நாடு திரும்பியுள்ளனர்.

கடந்த ஜூலை 25ஆம் திகதியன்று நெடுந்தீவு கடற்பிராந்தியத்தில் அத்துமீறி மீன்பிடியில் ஈடுப்பட்ட 2 படகுகளுடன் 9 மீனவர்களை இலங்கைக் கடற்படையினர் கைது செய்தனர்.

கைதான மீனவர்கள் வழக்கு விசாரணைகளுக்கு பின்னர் சிறையில் அடைக்கப்பட்டனர்.

இந்திய மாநில மற்றும் மத்திய அரசின் நடவடிக்கையினால் கைதான மீனவர்கள் 9 பேரும் விடுதலை செய்யப்பட்டனர்.

இந்நிலையில், குறித்த மீனவர்கள் நேற்று (18) வெள்ளிகாலை கொழும்பிலிருந்து விமானம் மூலம் சென்னை விமான நிலையத்தைச் சென்றடைந்தனர்.
அங்கு அவர்களை தமிழ்நாடு மீனவளத்துறை அதிகாரிகள் வரவேற்றதுடன், குறித்த மீனவர்களை பாதுகாப்பாக சொந்த ஊர்களுக்கு அனுப்பி வைத்திருப்பதாக தெரிவிக்கப்பட்டது.