Thaenaaram | Tamil Obituary Notices | Remembrance Notices | Tamil Death Notices

தொண்டைமானாறு சந்நிதியான் ஆச்சிரமத்தின் உதவித் திட்டங்கள்

தொண்டைமானாறு சந்நிதியான் ஆச்சிரமத்தால் நாடு முழுவதும் பல்வேறு உதவித் திட்டங்கள் வழங்கி வைக்கப்பட்டுள்ளன.

மலையக மக்களுக்கான உதவி திட்டமாக பண்டாரவளை செளதம் தமிழ் மகா வித்தியாலய ஆசிரியர் ஏ. யோகநந்தினி என்பவரின் உயர் கல்விக்காக 45,000 ரூபாய் நிதி உதவி வழங்கப்பட்டது.

பண்டாரவளை கிரேக்கத்தோட்டம், கீழ்பிரிவு பிரதேசத்தை சேர்ந்த பி. கிருபாகரன் என்பவருக்கு சிறுநீரக மாற்று அறுவை சிகிச்சைக்காக 35,000 ரூபாய் நிதி உதவி வழங்கப்பட்டது.

பண்டாரவளை செளதம் தமிழ் மகா வித்தியாலய மாணவனின் பெற்றோருக்கு புற்றுநோய் சிகிச்சைக்காக 25000 ரூபாய் நிதி உதவி வழங்கப்பட்டது.

மன்னார் மாவட்டம் - மடு, பெரியபண்டிவிரிச்சான் பிரதேசத்தை சேர்ந்த சீ. சிவலிங்கம் என்பவருக்கு சிறுநீரக சிகிச்சைக்காக 25000 ரூபாய் நிதி உதவி வழங்கப்பட்டது.

இதேபோன்று, யாழ்ப்பாணம் தந்தை செல்வா தொடக்கநிலைப் பள்ளிக்கு சமய சிந்தனைப் புத்தகங்களும், சிறுவர் சிந்தனைக் கதைகள் உள்ளடங்கலாக 200 புத்தகங்கள் வழங்கப்பட்டன.

இந்த உதவித்திட்டங்களை சந்நிதியான் ஆச்சிரம முதல்வர் தவத்திரு மோகனதாஸ் சுவாமிகள் வழங்கி வைத்தார்.

சந்தேக நபர்களைத் தேடி பொலிஸார் வலைவிரிப்பு

வவுனியாவில் கடந்த இரு தினங்களுக்கு முன் இளைஞன் ஒருவரைத் தாக்கி காயப்படுத்திய சந்தேக நபர்கள் வவுனியாவிலிருந்து தலைமறைவாகியுள்ளதாகவும், அவர்களை தேடி கைது செய்யும் நடவடிக்கைகள் தொடர்ந்து இடம்பெற்று வருவதாகவும் பொலிஸார் தெரிவித்துள்ளனர்.

வவுனியாவில் 28 ஆம் திகதி இரவு இளைஞன் ஒருவர் மீது நொச்சிமோட்டை பகுதியில் வைத்து தாக்குதல் நடத்திய சம்பவம் குறித்து வைத்தியசாலையில் அனுமதிக்கப்பட்டுள்ள இளைஞனின் வாக்குமூலம் பெற்றுக்கொள்ளப்பட்டுள்ளது. அதனடிப்படையில் மேற்கொள்ளப்பட்ட விசாரணைகளின்போது மூன்று நபர்கள் இச்சம்பவத்தில் சந்தேக நபர்களாக அடையாளம் காணப்பட்டுள்ளார்கள்.

அவர்களை தேடி அவர்களின் வீடுகளுக்கு சென்றபோது அவர்கள் தலைமறைவாகியது தெரிய வந்துள்ளதாகவும், அவர்களை கைது செய்யும் நடவடிக்கைகள் தொடர்ந்தும் முன்னெடுக்கப்பட்டு வருவதாகவும் பொலிஸார் மேலும் தெரிவித்துள்ளனர்.