Thaenaaram | Tamil Obituary Notices | Remembrance Notices | Tamil Death Notices

இரணைமடு குளத்தில் மீன் பிடித்த மீனவர் சடலமாக மீட்கப்பட்டார்

கிளிநொச்சி இரணைமடு குளத்தில் நேற்று முன்தினம் ஞாயிற்றுக்கிழமை மாலை மீன் பிடித்துக்கொண்டிருந்த மீனவர் நீரில் மூழ்கிய நிலையில் சடலமாக மீட்கப்பட்டார்.

சடலமாக மீட்கப்பட்டவர் சாந்தபுரம் சேர்ந்த 22 வயதுடைய இளைஞர் என தெரிவிக்கப்பட்டது.

உயிரிழந்தவரின் சடலம் கிளிநொச்சி மாவட்ட பொது வைத்தியசாலையில் வைக்கப்பட்டுள்ளது.

சம்பவம் தொடர்பான விசாரணைகளை கிளிநொச்சி பொலிஸார் மேற்கொண்டுள்ளனர்.

கடலில் நீராடிய மூன்று சகோதரர்கள் காணவில்லை
முல்லைத்தீவு - செம்மலை கடலில் நீராடிய ஒரே குடும்பத்தை சேர்ந்த மூன்று சகோதரர்கள் கடலில் மூழ்கி காணாமல் போயுள்ளனர்.

இன்று செவ்வாய்க்கிழமை மதியம் இந்தத் துயர சம்பவம் பதிவானது. இதில், அளம்பில் பகுதியை சேர்ந்த பத்மநாதன் கிளின்ரன் (29) பத்மநாதன் விசித்திரன் (24) பத்மநாதன் விழித்திரன் (22) ஆகியோரே காணாமல் போயுள்ளனர்.

நண்பர்களுடன் கடலில் நீராடிக்கொண்டிருந்த சகோதரர்கள் மூவரும் கடல் அலையில் அடித்துச் செல்லப்பட்டனர் என்று தெரிவிக்கப்பட்டது.

இவர்களை தேடும்பணி தொடர்ந்தபோதும் நேற்றிரவு வரை எவரும் மீட்கப்படவில்லை. முல்லைத்தீவு பொலிஸார் விசாரணைகளை மேற்கொண்டு வருகின்றனர்.