Thaenaaram | Tamil Obituary Notices | Remembrance Notices | Tamil Death Notices

தமிழை இழுத்துக் கொண்டு போய், கழுத்தைப் பிடித்துத் தள்ளிய அமுதா. ஒருதரும் இல்லை என்றால், இப்படித்தான் எல்லாப் பழிகளையும், குறிப்பாகப் பெண்களென்றால், அவர்கள் மேல் சுமத்தி பெயரைக் கெடுப்பதுதான் எம் சமூதாயம். அது மட்டுமல்லாமல் அப்படியான பழியானது உண்மையாக இருந்தால் அது அந்த பரம்பரைக்கே போகும் படி செய்வதுதான் எமது இந்த சமூகம்.

தமிழின் கை சிபீயின் மேலே பட்டது உண்மைதான், ஆனால் என்ன போட்டோவில சிபீ தமிழைப் பிடிக்காமலும், தமிழைத் தொட்டால் துடக்கு என்றும் சிபீ தனது கையினை ஆகாயத்திலா வைத்திருந்தான்? சிபீயும்தானே தமிழை கட்டிப் பிடித்திருந்தான். அதனை ஏன் ஒருதரும் கூறவில்லை. ஜனாம்மாதான் இதனை அவதானித்து அந்தக் கேள்வியினை சிபீயிடம் கேட்டா. ஆனால், ஒன்று, தமிழால் ஒன்றும் சொல்ல முடியவில்லை. சொல்லவுமில்லை. ஜனாம்மாவிற்காக எல்லாவற்றினையும் தாங்கனாள் தமிழ்.

ஆனால், தமிழால் இவர்களுக்குப் பதில் சொல்லுவதற்கு எத்தனை செக்கன்கள் ஆகும். ஆமாய்யா, நான் பிடித்தேன்தான், சிபீயும் என் கையினைப் பிடித்தார்தான். இப்ப என்ன வந்திற்று? என்று தமிழ் கேட்டிருந்தால் உரியிறதுகளை உரிந்து விட்டு உங்களால் போக முடியுமா? யோவ், உங்கட வண்ட வாளங்களை இப்ப ஒவ்வொன்றாக அவிட்டு விடவா இந்த சபையின் முன்னால, என்று தமிழ் வாயினைத் திறந்தால் உங்கள் நிலைமை என்னவாகும்? சொல்லவா? சொல்லவா?

யோவ், எனக்கு நல்ல விதமாகவும் பேசத் தெரியும், சம்யூத்தா மாதிரியும் அடிமட்டத்திற்கு இறங்கி அலசவும் தெரியும். என்னங்கடா, பொறுத்துப் பொறுத்துப் போனால் எகிறீங்கள் எல்லாரும். என்ன? என்ன என்று கையினை அசைத்துக் கொண்டு தமிழ் கதைத்திருந்தால், ஜனாம்மாவின் நடுவையும் தேவையில்லை, வெற்றியும் வர வேண்டிய அவசியமுமில்லை.

எனினும், வெற்றி இருந்தபடியினால், எல்லாவற்றினையும் அலைசி ஆராய்ந்ததினால் உண்மையான குள்ளனை, துரோகியை அடையாளம் காண முடிந்தது. குறிஞ்சியை என்ன செய்யலாம் என்றதற்கு, ஜனாம்மா முன்பெல்லாம் மன்னித்து விடுவா, ஆனால், தமிழ் சபையின் முன்னால் வைத்து, எங்க ஜனாம்மா மாதிரி மன்னிச்சு விட்டெல்லாம் போகமாட்டாள் இந்த தமிழ், அடித்துத் தூக்கிப் போட்டுவிட்டுப் போய்க் கொண்டே இருப்பாள், என்றதனை ஜனாம்மா நினைவு கூர்ந்தாவோ என்னவோ, கணேஷனைக் கூப்பிட்டு இவனைக் கொண்டுபோய் பொலிஸில் ஒப்படைக்கும் படிச் சொல்லி, வேலியை ஓணானிடம் ஒப்படைத்தா. இதுவும் ஒரு பிடி, கணேஷனைப் பிடிப்பதற்கு. ஆனால், கணேஷனுக்கோ இது விளங்கவில்லை.

புறப்பட்ட வெற்றிக்கு இன்னமும் வெளி வேலைகள் இருக்கின்றன, சிபீயினதும், தமிழினதும் கல்யாணம் நடந்தேறும் மட்டும். இதற்கு வெற்றி கன வேலைகளை நிறைவேற்ற இருக்கின்றது. தமிழுக்குப் போட்டியாக உள்ள கணேஷனின் மகள் வெண்பா, சம்யூத்தா இவர்கள் ஏன் சிபீ்க்குப் பொருத்தமில்லை என்பதனை சபையின் முன்னாலே நிரூபித்து விட்டு, தமிழ் ஏன் சிபீ்க்குப் பொருத்தம் என்பதும், அவள் ஏன் ஜனாம்மாவின் வீட்டின் மருமகள் என்பதனையும் பொருத்திக் காட்டவுமான வேலைகளானது மிகக் குறுகிய அவகாசத்தில் செய்து முடிக்க வேண்டிய கட்டாயத்தில் வெற்றி இருக்கின்றார்.

சம்யூத்தாவின் தகப்பனும், தாயும், சிபீயை அணுகி தாங்கள்தான் உங்களுக்கு காப்பு கட்டி, மஞ்சள் பூசி, எண்ணெய் தேய்த்துக் குளிப்பாட்ட வேண்டும் என்று சொல்ல, சிபீ அதனை மறுத்து விட்டு, குசினிக்குப் போகையிலே நினைவிழந்திருக்கும் தமிழின் தகப்பனின் கையால் காப்பு கட்டிக் கொண்டான். அதுமட்டுமல்லாமல், தமிழின் அம்மா, அவதான் உண்மையான உறவான அத்தையின் கையால் எண்ணை தேய்த்து, அவவையே குளிப்பாட்டவும் இடமளித்தான் சிபீ.

இதெல்லாம் ஏன் நடைபெறுகின்றது? சிபீக்கோ இதெல்லாம் ஒன்றும் தெரியாது, புரியவும் மாட்டாது. ஆனால், எல்லாம் இனிதே நடைபெறுகின்றன.

இதெல்லாம் சிபீ தெரிந்தே செய்கின்றானா? அல்லது இதெல்லாம் தெய்வத்தின் திருவிளையாடல்களா? எல்லாவற்றினையும் ஒரு மயக்கத்தில் வைத்து நடத்திச் செல்வதற்கு?

இதில் உங்களுக்கு இருக்கும் அபிப்பிராயத்தினைச் சொல்லுங்கள்.

நீங்கள் என்ன நினைக்கிறீங்கள் எமது Reel Review channel லினைப் பற்றி. உங்கள் பெறுமதிமிக்க கருத்துக்களை commentரினில் சொல்லுங்கள்.

எமது இந்த சீரியல் review and analysisஇனைப் பார்த்து ஆதரவு தரும் அனைவருக்கும், அத்துடன் இனிப் பார்க்கவுள்ள புது நேயர்கள் அனைவருக்கும் நன்றியும், வணக்கமும் தெரிவிக்கின்றேன் – இன்றுதான் நீங்கள் எமது Reel Review channelலினை முதன் முறையாகப் பார்க்கிறீர்கள் என்றால், அல்லது இன்னமும் நீங்கள் subscribe பண்ணவில்லை என்றால், subscribe பண்ணுங்கள். அத்துடன் like பண்ணி, Hype பண்ணி, share பண்ணுங்கள்.

மீண்டும் உங்கள் அனைவரையும் Reel Review Channelலினில் சந்திக்கின்றேன்.
வணக்கம்!