Thaenaaram | Tamil Obituary Notices | Remembrance Notices | Tamil Death Notices

யாழ்ப்பாணம் மாநகர சபையின் வரலாற்றில் முதல் தடவையாக செங்கோலுடன் நேற்று (30.11.2021) செவ்வாய்க்கிழமை சபையின் அமர்வு முதல்வர் மணிவண்ணன் தலைமையில் நடைபெற்றது.

இந்த செங்கோல், முதல்வர் வி. மணிவண்ணனின் வேண்டுகோளுக்கு அமைவாக - அண்மையில் காலமான நல்லூர் கந்தசுவாமி கோவிலின் 10ஆவது நிர்வாகி குகஸ்ரீ குமாரதாஸ மாப்பாண முதலியாரின் நினைவாக ஆலயத்தால் வழங்கப்பட்டது.

ஆலயத்தின் 11ஆவது நிர்வாகியும் பிரபல கட்டட வடிவமைப்பாளருமான சயந்தன குமாரதாஸ் மாப்பாண முதலியாரால் வடிவமைக்கப்பட்டு இந்த செங்கோல் உருவாக்கப்பட்டிருந்தது என்பதும் குறிப்பிடத்தக்கது