posted 7th October 2022
பாராளுமன்றத்தில் 06.10.2022 அன்று ஒத்திவைப்பு விவாதத்தின் போது திரு. எம்.ஏ.சுமந்திரன் ஆற்றிய உரையின் தமிழாக்கம்
கனம் சபாநாயகர் அவர்களே, இந்த ஒத்திவைப்பு விவாதத்தில் பேச நேரம் ஒதுக்கியதற்கு நன்றி. இருப்பினும், நான் பேசத் தொடங்கும்போது, இது ஒரு எதிர்மறை முடிவு நிலை என்பதனை குறிப்பிட்டு காட்ட விரும்புகிறேன்.
எமது நாடு தீவிரமாக ஒரு அரசியலமைப்பு திருத்தத்திற்காக காத்திருக்கிறது. நாடு தழுவிய ரீதியில் இந்த முறையை மாற்ற வேண்டும் என்ற குரல் எழுந்ததுடன், நிறைவேற்று அதிகாரம் கொண்ட ஜனாதிபதி முறையை இல்லாதொழிக்க வேண்டும் என்ற கோரிக்கையும் எழுந்தது.
பின்னர், நிறைவேற்று அதிகாரம் கொண்ட ஜனாதிபதி முறையை ஒழிப்போம் என்று கூறிய பொழுதும், முதலில் 20வது திருத்தத்தை நீக்குவோம் என்று சொல்லப்பட்டது. அரசியலமைப்பின் 20 வது திருத்தத்தை நீக்குவதற்கான கோரிக்கையும் இருந்தது, இதற்காக ஏப்ரல் மாதத்தில் இருந்து நாம் காத்திருக்கிறோம். பின்னர், அரசாங்கம் மிகுந்த ஆரவாரத்துடன், "நாங்கள் அரசியலமைப்பின் 22 வது திருத்தத்தை அறிமுகப்படுத்தியுள்ளோம்" என்று கூறியது. இதுவே நாம் மக்களுக்கு வழங்கிய வாக்குறுதியாகும்: இதன் மூலம் ஜனாதிபதியின் நிறைவேற்று அதிகாரங்களை கணிசமாகக் குறைத்து நாட்டை மேலும் ஜனநாயகமாக்குவோம்.
பாராளுமன்றத்திற்கு கொண்டு வரப்பட்டு விவாதம் செய்து நிறைவேற்றப்படும் என்று நீங்கள் உறுதியளித்த இந்த அற்புதமான சட்டத்திற்காக இன்று முழு நாடும் களைப்புடன் காத்திருந்தது. அரசாங்கம் மீண்டும் ரிவர்ஸ் கியரில் சென்றது. கியர் ரிவர்ஸ் என்பதே இப்போதைய பிரபலமான சொற்றொடராக இருக்கின்றது. "ஜிஆர்"! எங்களிடம் முன்பு ஒரு ஜிஆர் இருந்தார். அவரும் இவ்வாறே இதைச் செய்தார். பின்னர் புதிய ஜனாதிபதி, உத்தியோகபூர்வ இரகசிய சட்டத்தின் கீழ், உயர் பாதுகாப்பு வலயத்தினை பிரகடனப்படுத்திய போது, அது தீவிரமான தவறு என சுட்டிக்காட்டப்பட்டது. உத்தியோகபூர்வ ரகசியச் சட்டத்தின் கீழ் உயர் பாதுகாப்பு வலயங்களை அறிவிக்க அதிகாரம் இல்லை என்று அவர் அறிந்தபோது அவர் அதனை மாற்றினார். இவ்வாறு அவர் ஜிஆர் - கியர் ரிவர்ஸ் என்ற பெயரைப் பெற்றார். இதனை நாங்கள் இன்று மீண்டும் பார்த்தோம். நீங்கள் முன்னோக்கிச் சென்று, உங்கள் வாக்குறுதியை நிறைவேற்றுகிறீர்கள் என்று கூறிவிட்டு, பின்வாங்குவீர்கள். அதுதான் இந்த அரசின் செயல்பாடு.
இன்று காலை இங்கு வந்திருந்த ஜனாதிபதி, நாடு எதிர்நோக்கும் பொருளாதார நெருக்கடி தொடர்பில் விசேட அறிக்கையொன்றை விடுத்தார். முடிந்தவரை அடிக்கடி இவ்வாறு செய்வதற்காக ஜனாதிபதிக்கு எங்கள் பாராட்டுக்களை நான் பதிவு செய்ய வேண்டும். முந்தைய காலகட்டங்களில் இருந்து இது வரவேற்கத்தக்க மாற்றம். பிரதமராக பதவியேற்றதில் இருந்தே, தனது திட்டங்களை வகுத்து வருகிறார். அவர் நாட்டு மக்களுக்கு உரையாற்றினார். அவர் பாராளுமன்றத்தில் உரையாற்றினார். ஜனாதிபதியான பிறகும், அவர் அதைச் செய்திருக்கிறார், அதற்காக, நாம் பாராட்டுவது நியாயம் என்று நினைக்கிறேன்.
ஆனால், இந்தப் பொருளாதார நெருக்கடி என்பதனை, அதை எப்படி கையாள்வது என்பதைத் தீர்மானிக்கும் முன் ஒருவர் நன்கு புரிந்து கொள்ள வேண்டிய ஒன்றாகும்.
ஜனாதிபதி பேசுகையில், இரண்டு விடயங்களை நான் தெளிவுபடுத்தினேன், ஒன்று சர்வதேச நாணய நிதியம் முன்னிலைப்படுத்திய ஊழல் வாய்ப்புகள் தொடர்பானது. இந்த நெருக்கடியில் இருந்து நாடு வெளிவருவதற்கான முக்கியக் காரணியாக, ஊழல் வாய்ப்புகளை ஒரு முக்கிய சவாலாக IMF உயர்த்திக் காட்டியுள்ள நிலையில், அது பொருளாதார நெருக்கடி ஏற்படுவதற்கு மிகப் பாரிய அளவில் பங்களித்த ஒரு காரணி - ஊழல் என்று சொல்லாமல் போகிறது. அரசாங்கத்திற்குள் காணப்பட்ட ஊழல் என்பது நிச்சயமாக பொருளாதார நெருக்கடியை ஏற்படுத்திய ஒரு முக்கிய காரணியாக இருந்தது. துரதிர்ஷ்டவசமான விஷயம் என்னவென்றால், அது முழு நாட்டிற்கும் தெரியும். இது இலகுவான உரையாடல்களின் விஷயமாக கூட மாறிவிட்டது.
பல்வேறு அமைச்சர்கள் திரு. 10 % என அழைக்கப்பட்டனர். ஆனால், நாங்கள் அவர்களை மிஸ்டர் 10% என்று அழைக்கத் தொடங்கிய நேரத்தில் அவர்கள் உண்மையில் 100% எடுத்துக் கொண்டிருந்தார். இப்போது நீங்கள் அதை நீண்ட காலத்திற்கு செய்ய முடியாது - வெளிப்படையாக பொருளாதாரம் சரிந்து காணப்படுகின்றது. இந்த ஆண்டின் தொடக்கத்தில் நாங்கள் இந்தப் பிரச்சினைகளை எழுப்பி, IMF-க்கு செல்லுங்கள். IMF திட்டத்தைத் தொடங்குங்கள் என்று கூறினோம். அரசாங்கம், "இல்லை, இல்லை, அத்தகைய நெருக்கடி எதுவும் இல்லை; நாங்கள் எங்கள் அனைத்து கடமைகளையும் நிறைவேற்ற முடியும் எனக் கூறினார். ஏப்ரல் மாதம் நடுப்பகுதியில் அரசாங்கம் திவாலானதாக அறிவித்தது. எனவே, இன்று அதிகாரப்பூர்வமாக நாங்கள் திவாலாகிவிட்டோம். அதிலிருந்து மீள்வதற்கு நாம் நடவடிக்கை எடுக்க வேண்டும். ஏனென்றால், மக்கள் அவதிப்படுவதால், அவர்கள் மேலும் மேலும் பாதிக்கப்படுகிறார்கள். விலைவாசி உயர்வு சீராகவில்லை. விலைகள் அதிகரித்துக்கொண்டே இருக்கும். அது தொடர்ந்து நடக்கும்.
எனவே இந்த நெருக்கடியில் இருந்து நாம் எப்படி வெளிவருவது என்று எமக்கு நாமே எடுத்துரைக்கும் அதே வேளையில், இந்த நெருக்கடிக்கான காரணங்களை நாம் எடுத்துரைப்பதும், அவற்றை உடனடியாக நிவர்த்தி செய்வதும் சமமாக முக்கியமானது. இல்லையெனில் அது ஒரு தீய சுழற்சியாக இருக்கும், அதிலிருந்து நாம் ஒருபோதும் வெளியேற முடியாது போய்விடும். அதனால்தான் நான் ஊழலுக்கு ஆளாகக்கூடிய தன்மையை முன்னிலைப்படுத்துகிறேன். எதுவும் செய்யப்படுவதாகத் தெரியவில்லை. துரதிஷ்டவசமாக நான் பதிவு செய்ய வேண்டும், ஜனாதிபதியே அளித்த பதிலின்படி நாங்கள் சில சட்டம் கொண்டு வருகிறோம் என்று கூறுவது திருப்திகரமாக இல்லை. மேலும், பரவிவரும் ஊழலை சமாளிப்பது நாட்டிற்கு திருப்திகரமாக இல்லை.
22வது திருத்தம் என்ற ஒன்றை நீங்கள் கொண்டு வந்தீர்கள். அது எந்த வகையிலும் ஜனாதிபதியின் எந்வொரு அதிகாரத்தையும் குறைக்காது என்பதை நாங்கள் சுட்டிக்காட்டினோம். நாட்டை ஏமாற்ற முயன்றீர்கள். நீங்கள் சில ஜனநாயக சீர்திருத்தங்களை கொண்டு வருகிறீர்கள் என்று நாட்டை தவறாக வழிநடத்த முயற்சித்தீர்கள். அது வெளியரங்கமாகப் போகிறது என்பதை நீங்கள் உணர்ந்தபோது, எதிர்க்கட்சி உங்களுடன் விளையாடப் போவதில்லை என்று தெரிந்த பின், 22 வது திருத்தம் நிறைவேற்றப்பட்ட பின்னரும் 20வது திருத்தச் சட்டத்தின் முழு அதிகாரத்தையும் ஜனாதிபதி தொடர்ந்து கொண்டிருக்கப் போகிறார் என நேற்றய தினம் உங்களிடம் எதிர்க்கட்சி சுட்டிக்காட்டிய பின்னும், குறிப்பிடத்தக்க மாற்றமில்லை. நீங்கள் பின் வாங்கினீர்கள். ரிவர்ஸ் கியரில் சென்றீர்கள். இதுவே உண்மை!
22வது திருத்தம் கொண்டு வரப்பட்ட போதும் ஜனாதிபதியின் அதிகாரங்களில் எந்த மாற்றமும் இல்லை. எனவே, மக்களை தவறாக வழி நடத்த முடியாது. இந்த மோசடியை நீங்கள் மக்கள் மீது செய்ய முடியாது. இதனாலேயே, இல்லை, நாங்கள் இதற்கு உடன்பட மாட்டோம் என எதிர்க்கட்சிகள் கூறியது. நீங்கள் கொண்டு வரும் இந்தத் திருத்தம் என்ன, என்ன செய்யும், என்ன செய்யாது என்பதை மக்களுக்குச் சொல்வோம். இவை அனைத்தும் நடந்து கொண்டிருக்கும் வேளையில், நான் சில முக்கிய விடயங்கள் தொடர்பாக கவனத்தினை எழுப்ப வேண்டும். குறிப்பாக வடக்கு மற்றும் கிழக்கில் நடைபெற்றுவரும் சில விஷயங்கள் தொடர்பாக பல்கலைக்கழக மாணவர்களுக்கு எதிராக பொலிஸார் இங்கு என்ன செய்து கொண்டிருக்கின்றார்களோ அதனையே நேற்றைய தினம் முல்லைத்தீவு மாவட்டத்தில் அதைச் செய்தார்கள்.
சட்டவிரோத மீன்பிடி முறையை எதிர்த்து மீனவர்கள் கடந்த சில நாட்களாக அமைதியான முறையில் போராட்டம் நடத்தி வருகின்றனர். மீன்பிடித்துறை அமைச்சர் அங்கு சென்று, அனைத்து சட்டவிரோதமான முறைகளையும் நிறுத்துவதாக உறுதியளித்தார். அதன்பின், அவரது ஆதரவாளர்கள் சிலர் அவரை ஒரு பக்கமாக அழைத்துச் சென்று வேறு ஏதோ சொன்னார்கள். அவர் திரும்பி வந்து “இந்த சட்டவிரோத மீன்பிடியை நான் மிக விரைவில் சட்டபூர்வமான முறையாக மாற்றுவேன்" என்றார். அந்த சட்டவிரோத மீன்பிடி முறைகள் உலகம் முழுவதும் சட்டவிரோதமானவை. அவை சர்வதேச தரம். ஆனால், அவர் அவர்களிடம் சொன்னது "நான் அதை சட்ட பூர்வமாக்குவேன். எனவே, அவை தொடரட்டும்" என்று. அதனால், நேற்று ஒரு மோதல் ஏற்பட்டது. காவல்துறை என்ன செய்கிறது? அவர்கள் தங்களுக்குப் பழக்கப்பட்டதைச் செய்கிறார்கள். அமைதியான எதிர்ப்பாளர்களைத் தாக்குகிறார்கள். இந்த போராட்டக்காரர்கள் மீது கண்ணீர் புகை குண்டுகள் வீசப்பட்டு கடுமையான தாக்குதல் நடத்தப்பட்டது. இப்போது இந்த வகையான அடக்குமுறையைத்தான் அரசாங்கம் நியாயமான முறையில் தங்கள் கவலைகளை வெளிக்கொண்டு வரும் மக்கள் மீது திணிக்கிறார்கள். கேள்விகளைக் கேட்போரை அடக்குகின்றார்கள். அந்த கேள்விகளைக் கேட்க அவர்களுக்கு உரிமை உண்டு. அந்த பகுதியில் நீங்கள் எல்லை பிரிவுகளை மாற்ற முயற்சிக்கிறீர்கள். மேலும், “ரகசியமானது - உத்தியோகபூர்வ நோக்கங்களுக்காக மட்டுமே” எனக் குறிக்கப்பட்ட ஆவணமொன்றை நான் சமர்ப்பிக்கப் போகிறேன். என்னிடம் அதன் ஒரு பிரதி உள்ளது. அதை நான் பொறுப்புடன் இங்கே முன்வைக்கிறேன்.
26 செப்டம்பர் 2022 திகதியிட்ட நீர்ப்பாசன அமைச்சினால், அமைச்சர் ரொஷான் ரணசிங்க கையெழுத்திட்டுள்ள ஒரு ஆவணம். இதில் நீங்கள் எல்லைப் பிரிவுகளை சீர்குலைக்கின்றீர்கள். முல்லைத்தீவு மாவட்டத்தின் தெற்கில் உள்ள கிராமங்கள் எவ்வாறு கையாளப்படப் போகின்றன? மற்றும், இன அமைப்பில் தலையிட்டு இன அமைப்பை மாற்ற முற்படும் வகையில் நிர்வாகத்தை எவ்வாறு மாற்றுகின்றீர்கள்? என்பன தெரிகின்றது.
நீங்கள் பல தசாப்தங்களாக இதைச் செய்ய முயற்சித்து வருகிறீர்கள். உண்மையில் கிழக்கின் மக்கள் தொகையை கணிசமாக மாற்றியுள்ளீர்கள். இப்போது நீங்கள் கிழக்கு மாகாணத்தின் வடக்கு பகுதியான, திருகோணமலை மாவட்டம், வடக்கு மாகாணத்தின் தென் - கிழக்கு பகுதி, மற்றும் முல்லைத்தீவு மாவட்டத்தில் தெற்குப் பகுதி போன்றவற்றில் கவனம் செலுத்துகிறீர்கள். வடக்கையும் கிழக்கையும் இணைக்கும் இயற்கையான மொழித் தொடர்ச்சியை இரண்டாகப் பிரிக்க முயற்சிக்கிறீர்கள். அது இயற்கையாக அமையப்பெற்ற ஒரே இணைந்த பிரதேசமாக இருக்கிறது.
ஆனால் இந்த முயற்சிகளால், தொகுதி பிரிவுகளை கையாளுதல் , நிர்வாக எல்லைகளை மாற்றுதல் போன்றவற்றால் நீங்கள் அந்த இயற்கையான தொடர்ச்சியை உடைக்க முயற்சிக்கிறீர்கள். இது மிகவும் தீவிரமான பின்விளைவுகளை ஏற்படுத்தப் போகின்றது. மேலும், மகாவலி போன்ற சிறப்புச் சட்டங்கள், வனப் பாதுகாப்பு சட்டம், வனவிலங்குகள், தொல்லியல் போன்ற சிறப்புச் சட்டங்கள் மிக முக்கியமானவை. அவை சிறப்பு நோக்கங்களுக்காக காணப்படுகின்றது. ஆனால், இந்த சிறப்புச் சட்டங்களைப் பயன்படுத்தி அரசாங்கம் இந்த பிரதேச இயற்கை சனப்பிரிவை கையாளும் இந்த முயற்சிகளை உடனடியாக நிறுத்த வேண்டும் என்று அரசாங்கத்தினைக் கேட்டுக்கொள்கிறேன்.
ஆனால், அந்தச் சட்டங்கள் சிறப்புச் சட்டங்களாக இயற்றப்பட்ட சட்டங்களை அந்தந்த நோக்கங்களுக்காக அல்லாது நீங்கள் அவற்றை தவறான நோக்கங்களுக்காகப் பயன்படுத்துகிறீர்கள். நாம் எண்ணிக்கையில் சிறியவர்கள் என்ற ஒரே காரணத்திற்காக ஒரு பழங்கால சமூகத்தை நசுக்குவது, மற்றும் நமது வரலாற்று சிறப்புமிக்க வசிப்பிடங்களையும், இணைந்த வடக்கு மற்றும் கிழக்கில் உள்ள அந்த பகுதியையும் பறிப்பது, போன்ற இந்த விடயங்களை நீங்கள் நிறுத்தாவிட்டால் அது மேலும் பேரழிவை எமது நாட்டிற்கு ஏற்படுத்தும். நன்றி.
திரு. எம்.ஏ.சுமந்திரன் அவர்கள் ஆற்றிய உரை ஆங்கிலத்தில் >>>>> Speech by Hon. M.A.Sumanthiran M.P. on the adjournment debate on 06.10.2022 in Parliament
எஸ் தில்லைநாதன் (தேனாரம் செய்தியாளர், வடமாகாணம்)
உங்கள் விடுமுறையை உலகத்தில் எங்கும் உல்லாசமாகச் செலவிட
கிளிக்செய்து தேடுங்கள் Search now
கையிற்கு அடக்கம் - காலத்திற்கு மறவா - உல்லாச உலகம்
தேடுங்கள் Search now
15%ற்கு மேலான விலைக்கழிவு - கை நழுவ விடாதீர்கள் Offer
இடத்தை ஒதுக்குங்கள்>>> Book Now
ENJOY YOUR HOLIDAY
மேலதிக செய்திகள் | Additional News
Posted 20th April 2025
Posted 2 weeks ago
By Thaenaaram
Posted 8th April 2025
Posted 3 weeks ago
By Thaenaaram
Posted 18th March 2025
Posted 1 month ago
By Thaenaaram
