Thaenaaram | Tamil Obituary Notices | Remembrance Notices | Tamil Death Notices

பாக்கு தொடுகடலை 13 வயதான ஹரிகரன் தன்வந்த் என்ற மாணவன் நீந்திக் கடந்து சாதனை படைத்துள்ளார். இந்தியாவின் தனுஷ்கோடியிலிருந்து தலைமன்னார் வரையான 32 கிலோமீற்றர் தூரத்தை 9 மணித்தியாலங்கள் 37 நிமிடங்கள் 54 செக்கன்களில் அவர் நீந்திக் கடந்துள்ளார். இதன் மூலம் குறைவான நேரத்தில் பாக்கு நீரிணையை நீந்திக் கடந்த இலங்கையர் என்ற பெருமையையும் தன்வந்த் பெற்றுள்ளார்.

அதிகாலை 5.30 மணியளவில் தனுஷ்கோடியில் ஆரம்பித்த இவரின் நீச்சல் பயணம் மதியம் 2 மணியளவில் தலைமன்னாரில் நிறைவடைந்தது. தலைமன்னாரை அடைந்த தன்வந்தை யாழ்ப்பாணத்துக்கான இந்திய துணைத்தூதுவர் செவிதி சாய் முரளி வரவேற்று பாராட்டினார்.

ஹரிகரன் தன்வந்த் திருகோணமலை இந்துக் கல்லூரியின் மாணவன் என்பது குறிப்பிடத்தக்கது.