Thaenaaram | Tamil Obituary Notices | Remembrance Notices | Tamil Death Notices

மட்டக்களப்பில் இடம்பெற்ற வீதி விபத்தில் படுகாயமடைந்து கண்டி போதனா மருத்துவமனையில் சிகிச்சை பெற்றுவந்த பெண், அபிவிருத்தி உத்தியோகத்தர், சிகிச்சை பலனின்றி உயிரிழந்தார்.

கிழக்கு மாகாண சுகாதார திணைக்களத்தில் பணியாற்றி வந்த அபிவிருத்தி உத்தியோகத்தரான மூன்று பிள்ளைகளின் தாயான திருமதி தர்ஷினி மணாளன் (வயது - 45) என்பவரே இவ்வாறு உயிரிழந்தார்.

இவர், கடந்த 17ஆம் திகதி வெள்ளிக்கிழமை இடம்பெற்ற வீதி விபத்தில் படுகாயமடைந்திருந்தார். மட்டக்களப்பு போதனா மருத்துவமனையில் சேர்க்கப்பட்டவர் மேலதிக சிகிச்சைக்காக கண்டி போதனா மருத்துவமனைக்கு மாற்றப்பட்டார். இந்த நிலையிலேயே சிகிச்சை பலனின்றி நேற்று (23) வியாழக்கிழமை காலை உயிரிழந்தார்.

இந்தச் சம்பவம் தொடர்பில் மட்டக்களப்பு தலைமையகப் பொலிஸார் மேலதிக விசாரணைகளை நடத்தி வருகின்றனர்.