Thaenaaram | Tamil Obituary Notices | Remembrance Notices | Tamil Death Notices

புத்தாண்டு தினத்தில் வடக்கின் மாவட்டங்களில் இடம்பெற்ற பல அசம்பாவித சம்பவங்களில் ஐவர் பலியாகினர்.

முல்லைத்தீவு - கேப்பாபிலவில் இடம்பெற்ற வாகன விபத்தில் இருவர் பலியாகினர். ஒருவர் படுகாயமடைந்தார்.

பிலக்குடியிருப்பை கிருஷ்ணசாமி மாரிமுத்து (வயது 48), சூரியகுமார் கரிதாஸ் (வயது 17) ஆகியோர் உயிரிழந்தனர். சண்முகம் நிறோஜன் (வயது 23) என்ற இளைஞர் படுகாயமடைந்து யாழ். போதனா வைத்தியசாலையில் சேர்க்கப்பட்டுள்ளார்.

இதேவேளை, காரைநகர் கசூரினா கடலில் நீராடிய கோண்டாவிலை சேர்ந்த யாழ். இந்துக் கல்லூரி மாணவனான 17 வயதுடைய யோகராசா யோகீசன் என்ற மாணவன உயிரிழந்தார்.

கிளிநொச்சி - பரந்தன் பகுதியில் கூரிய ஆயுதத்தினால் தாக்கப்பட்டு ஒருவர் கொலை செய்யப்பட்டார். கார்த்தி (வயது 28) என்பவரே கொல்லப்பட்டவராவார்.

வவுனியா தாண்டிக்குளம் பகுதியில் ஊடக நிறுவனம் ஒன்றின் ஹப் ரக வாகனம் ஓட்டோவை மோதியதில் ஓட்டோ சாரதியான ரஜீவன் (வயது 35) என்பவர் உயிரிழந்தார்.