Thaenaaram | Tamil Obituary Notices | Remembrance Notices | Tamil Death Notices

ஐரோப்பிய ஒன்றிய பிரதிநிதிகள் மன்னார் விஐயத்தில் இங்குள்ள கள நிலவரங்களை கேட்டறிந்துள்ளனர்.

(வாஸ் கூஞ்ஞ) 14.01.2021

கடந்த புதன்கிழமை (12.01.2021) ஐரோப்பிய ஒன்றிய பிரதிநிதிகள் மன்னாருக்கு வருகை தந்து மன்னார் மாவட்டத்தின் இன்றைய கள நிலவரங்களை மதத் தலைவர்கள், அரசு சார்பற்ற நிறுவன மற்றும் சிவில் அமைப்புக்களின் பிரதிநிதிகளையும் சந்தித்து கேட்டறிந்து சென்றுள்ளதாக தெரிவிக்கப்பட்டுள்ளது.

இச் சந்திப்பில் அவர்கள் மதங்களின் தலைவர்கள், அரசு சார்பற்ற பிரதிநிதிகள் மற்றும் சிவில் நிர்வாக பிரதிநிதிகளையும் சந்தித்து உரையாடி மன்னார் மாவட்ட மக்கள் தற்பொழுது எதிர்நோக்கும் பிரச்சனைகள், சவால்கள் என்பவற்றையும், மன்னார் பாலத்தடியில் இராணுவத்தினரின் சோதனைகள் மூலம் பிரயாணிகள் எதிர்நோக்கும் பிரச்சனைகளையும் கேட்டறிந்ததாகவும், அத்துடன் சிறையில் வாடும் அரசியல் கைதிகள், காணி அபகரிப்பு சம்பந்தமாகவும் கேட்டறிந்ததாகவும், மனித உரிமை தொடர்பான கருத்துக்களையும் கேட்டு அறிந்ததுடன், அங்கு கலந்து கொண்டவர்கள் மாவட்ட நிலமைகளை விரிவாக எடுத்துரைத்ததாகவும் தெரிவிக்கப்பட்டது.

இதற்கு ஐரோப்பிய ஒன்றிய பிரதிநிதிகள் தாங்கள் அரசுடன் தொடர்புள்ளவர்களாக இருப்பதால் இவைகள் தொடர்பாக தாங்கள் அரசின் கவனத்துக்கு கொண்டு செல்வதாகவும் தெரிவித்திருப்பதாகவும் தெரிவிக்கப்பட்டுள்ளது.

அத்துடன் பொருளாதார சிக்கல்களை நீக்குவதற்கு தாங்கள் உதவிக் கரத்தை மன்னாரிலும் மேற்கொள்ள இருப்தாகவும் தெரிவிக்கப்பட்டுள்ளது. மேலும் மன்னார் வைத்திசாலையின் நிலையையும், அதன் தேவைகளையும், இளைஞர் யுவதிகளின் வேலை வாய்ப்புக்கள் தொடர்பாகவும் கருத்துக்கள் சிவில் பிரதி நிதிகளால் முன்வைக்கப்பட்டதாகவும் கூறப்பட்டது.

இவ் ஐரோப்பிய குழுவினர் மன்னார் மாவட்டத்தில் ஒரு சில கிராமங்களுக்கும் சென்று அங்குள்ள மக்களையும் நேரடியாக சந்தித்து உரையாடியுள்ளதாகவும் தெரிவிக்கப்பட்டுள்ளது.