Thaenaaram | Tamil Obituary Notices | Remembrance Notices | Tamil Death Notices

மருத்துவர்கள் பயணம் செய்த கார் ஒன்று வேகக் கட்டுப்பாட்டை இழந்து வீட்டு மதிலுடன் மோதி விபத்துக்கு உள்ளானது.
இந்த விபத்தில் வாகனம் கடுமையான சேதங்களுக்கு உள்ளான நிலையில் அதில் பயணித்தவர்கள் தெய்வாதீனமாக சிறு காயங்களுடன் தப்பினர்.

யாழ்ப்பாணம், அரியாலை - மாம்பழம் சந்திக்கு அருகில் நேற்று செவ்வாய்க்கிழமை இரவு இந்த விபத்து சம்பவம் இடம்பெற்றுள்ளது.
யாழ்ப்பாணம் - கண்டி நெடுஞ்சாலையில் யாழ்ப்பாணத்தில் இருந்து வேகமாக பயணித்த கார் மாம்பழம் சந்திக்கு அருகில் வேக கட்டுப்பாட்டை இழந்து வீடொன்றின் மதிலுடன் மோதித் தடம்புரண்டது.

இதனை அடுத்து அவ்விடத்தில் கூடியவர்கள் வாகனத்தில் இருந்தவர்களை மீட்டெடுத்தனர். அவர்கள் சிறு காயங்களுக்கு உள்ளாகியிருந்தனர்.
விபத்துக்கு உள்ளானவர்கள் வாகனத்துடன் அங்கிருந்து செல்ல முற்பட்டபோது அங்கிருந்தவர்கள் அதற்கு அனுமதிக்காது பொலிஸாருக்கு அறிவித்தனர்.

இதனை அடுத்து சம்பவ இடத்துக்கு வந்த பொலிஸார் விபத்துக்கு உள்ளான வாகனத்தை பொலிஸ் நிலையம் எடுத்து சென்றதுடன் மேலதிக விசாரணைகளையும் முன்னெடுத்துள்ளனர்.