Thaenaaram | Tamil Obituary Notices | Remembrance Notices | Tamil Death Notices

காரும் லொறியும் விபத்தில் சிக்கின

இலங்கையில் ஏ-9 நெடுஞ்சாலையின் நாவற்குழி பாலத்துக்கு அண்மையாக காரும் லொறியும் மோதிய விபத்தில் ஒருவர் படுகாயமடைந்தார்.

நேற்று இரவு இடம்பெற்ற இந்த விபத்து நாவற்குழி சந்திக்கும் - பாலத்துக்கும் இடையில் இடம்பெற்றுள்ளது. இதில், காரில் பயணித்தவரே படுகாயங்களுக்கு உள்ளானார்.

லொறியை முந்திச் செல்ல முற்பட்டபோதே இந்த விபத்து இடம்பெற்றதாகக் கூறப்படுகின்றது. விபத்தில் காயமடைந்தவர் யாழ். போதனா வைத்தியசாலையில் சேர்க்கப்பட்டுள்ளார்.

மேலதிக விசாரணைகளை பொலிஸார் மேற்கொண்டு வருகின்றனர்.