Thaenaaram | Tamil Obituary Notices | Remembrance Notices | Tamil Death Notices

அலைபேசி விற்பனை நிலையத்தை உடைத்து திருடியவர் கைது

வாழைச்சேனையிலிருந்து யாழ்ப்பாணம் நகருக்கு வந்து அலைபேசி விற்பனை நிலையத்தை உடைத்து திருடியவர் பொலிஸாரால் கைது செய்யப்பட்டார். அத்துடன், சந்தேக நபர் திருடிய அலைபேசிகளை விற்பனை செய்து கொடுத்தனர் என்ற குற்றச்சாட்டில் இருவர் கைது செய்யப்பட்டுள்ளனர்.

யாழ்ப்பாணம் – காங்கேசன்துறை வீதியில் சத்திரச்சந்தியில் உள்ள அலைபேசி விற்பனை நிலையத்தில் கடந்த டிசெம்பர் 22ஆம் திகதி இரவு திருட்டு இடம்பெற்றது.

இதுதொடர்பில் யாழ்ப்பாணம் பொலிஸ் நிலையத்தில் முறைப்பாடு செய்யப்பட்டது. சம்பவம் தொடர்பில் விற்பனை நிலையத்தில் பெறப்பட்ட சி. சி. ரி. வி. பதிவுகளின் அடிப்படையில் பொலிஸார் விசாரணைகளை மேற்கொண்டனர்.

யாழ்ப்பாணம் தலைமையக பொலிஸ் நிலைய குற்றத்தடுப்புப் பிரிவு பொறுப்பதிகாரி, பொலிஸ் பரிசோதகர் றில்ரோக் தலைமையிலான குழுவினர் வாழைச்சேனைக்கு சென்று சந்தேகநபரைக் கைது செய்தனர்.

சந்தேகநபர் திருடிய அலைபேசிகளை விற்பனை செய்து கொடுத்தனர் என்று குற்றச்சாட்டிலும் இருவர் கைது செய்யப்பட்டனர். அத்துடன், அவர்களிடமிருந்து 6 அலைபேசிகளும் கைப்பற்றப்பட்டன.

சந்தேக நபர்கள் மூவரும் யாழ்ப்பாணம் அழைத்து வரப்பட்டுள்ளனர்.