Thaenaaram | Tamil Obituary Notices | Remembrance Notices | Tamil Death Notices

கடந்த 2015 ஆம் ஆண்டிலிருந்து ஏழு வருடங்களாக இவ் ஆலயத்தில் புணருத்தான வேலைகள் இடம்பெற்றமையால் இக் கோவிலில் பாலாலயம் அமைத்து சுவாமிகள் வழிபாடு நடைபெற்று வந்தன. எல்லாம் முடிவுற்ற நிலையில் இம்முறை சிவராத்திரி விழா இடம்பெற இருக்கின்றது.

எனவே, இலங்கையின் நாலா பக்கமும் இருந்து பக்கதர்கள் வருவதனை எதிர்பார்த்து எல்லாவிதமான ஆயத்தங்களும் செய்யப்பட்டுள்ளன.

திருக்கேதீஸ்வரம் வரும் பக்தர்கள் நலன்கருதி சகல ஏற்பாடுகளும் நிறைவுற்று இருக்கின்றபோதும். மாந்தை சந்தியிலிருந்து திருக்கேதீஸ்வரம் ஆலயம் வரை செல்லும் பிரதான வீதி சீரற்ற நிலையில் காணப்படுவதால் அரசாங்க அதிபர் வடமாகாண ஆளுநருடன் தொடர்பு கொண்டதைத் தொடர்ந்து இவ் வீதி விஷேட நிதியின் மூலம் உடன் புணரமைப்பதற்கான நடவடிக்கை எடுக்கப்பட்டுள்ளது.

போக்குவரத்துக்கள் , சுகாதாரம் , அன்னதானம் , தாகசாந்தி நிலையம் , குடிநீர் போன்ற முக்கிய விடயங்கள் ஆராயப்பட்டதுடன், இதற்கான சகல நடவடிக்கைகளையும் சம்பந்தப்பட்ட திணைக்களங்கள் கவனம் செலுத்தியுள்ளதாகவும், 17 ,18 , 19 ஆகிய திகதிகளில் ஆலய சூழலில் உள்ள நான்கு மடங்களிலும் அன்னதானம் வழங்குவதற்கான ஏற்பாடுகள் மேற்கொள்ளப்பட்டிருப்பதாகவும் தெரிவிக்கப்பட்டது.