Thaenaaram | Tamil Obituary Notices | Remembrance Notices | Tamil Death Notices

தாதியர்கள் இன்றித் தடுமாறும் வைத்தியசாலை

வல்வெட்டித்துறை பிரதேச அரசினர் வைத்திசாலையில் உள்ள வைத்திய விடுதிகள், தாதியர்கள் இன்றி ஒரு மாத காலத்துக்கு மேலாக மூடப்பட்டுக்கிடக்கிறது.

எட்டு தாதிய உத்தியோகத்தர்கள் பணியாற்றிய வைத்தியசாலையில் தற்போது மூன்று தாதிய உத்தியோகத்தர்களே பணியாற்றி வருகிறார்கள். ஏனையோர் சேவை மூப்புக் காரணமாக சேவையில் இருந்து நீங்கிவிட்டனர். இதன் காரணமாக நான்கு நோயாளர் விடுதிகளையும் இயக்க முடியாமல் முடப்பட்டுள்ளது.

இது தொடர்பாக கடற்தொழில் அமைச்சரும் யாழ். மாவட்ட பாராளுமன்ற உறுப்பினருமான டக்ளஸ் தேவானந்தாவின் கவனத்திற்கு பொது மக்கள் தரப்பால் நேரடியாக முறையிடப்பட்டு பரிகாரம் பெற்றுத்தருமாறு கோரிக்கை விடப்பட்டிருந்தது. உரிய நடவடிக்கைகளை தாமதமின்றி மேற் கொள்ளப்படும் என அமைச்சர் தெரிவித்திருந்தார்.

எனினும் தேவையான தாதிய உத்தியோகத்தர்களை நியமிக்க இதுவரை நடவடிக்கை எடுக்கப்படவில்லை எனப் பாதிக்கப்படும் நோயாளர்கள் கவலை தெரிவித்துள்ளனர். மூடப்பட்ட விடுதிகளில் பிரசவ விடுதியும் அடங்கும் என்பது குறிப்பிடத்தக்கது.

முல்லைத்தீவில் திருடியவர்கள் யாழ்ப்பாணத்தில் கைது

முல்லைத்தீவில் இடம்பெற்ற திருட்டுச் சம்பவத்துடன் தொடர்புடைய மூவர் யாழ்ப்பாணத்தில் யாழ் மாவட்ட குற்றத்தடுப்பு பிரிவினரால் கைது.

கடந்த டிசம்பர் மாதம் முல்லைத்தீவு நகர பகுதியில் உள்ள வீடு ஒன்றில் இரவு நேரத்தில் 20 பவுண் நகை கொள்ளையிட்ட சம்பவத்துடன் தொடர்புடைய சந்தேக நபர்கள் மூவர், இன்றைய தினம் யாழ் மாவட்ட குற்றத்தடுப்பு பிரிவினரால் கைது செய்யப்பட்டுள்ளார்கள்

சாவகச்சேரி ,நெல்லியடி ஊர்காவற்துறை, பகுதியைச் சேர்ந்த மூவர் குறித்த திருட்டுச் சம்பவத்துடன் தொடர்புடையோர் என்ற சந்தேகத்தில் கைது செய்யப்பட்டுள்ளார்கள்

யாழ்ப்பாணத்தில் கைது செய்யப்பட்டவர்களிடமிருந்து 17 பவுண் நகையும் மீட்கப்பட்டுள்ளதாகவும், திருட்டுச் சம்பவங்களுடன் தொடர்புடைய மேலும் பலர் கைது செய்யப்பட உள்ளதாகவும் தெரிவித்தார். கைது செய்யப்பட்டவர்கள் ஏற்கனவே பல குற்றச்செயல்களில் ஈடுபட்டுள்ளோர் என யாழ்ப்பாண மாவட்ட குற்றத்தடுப்பு பொலிஸ் பிரிவின் பொறுப்பதிகாரி பிரதான பொலிஸ் பரிசோதகர் பிரான்சிஸ் தெரிவித்துள்ளார்.