Thaenaaram | Tamil Obituary Notices | Remembrance Notices | Tamil Death Notices

மலேரியா தொற்று அப்டேற்

இலங்கையில் வட மாகாணத்தில் மலேரியா நோய் பரவும் அபாயம் காணப்படுகின்றது என்று சுகாதார அதிகாரிகள் கவலை வெளியிட்டுள்ளனர்.

சுகாதார மேம்பாட்டுப் பணியகத்தில் புதன்கிழமை (16) பிற்பகல் நடைபெற்ற ஊடகவியலாளர் சந்திப்பின் போது, சுகாதார அமைச்சின் மலேரியா எதிர்ப்பு பிரசாரத்தின் பணிப்பாளர், ஆலோசகர் சமூக மருத்துவர் பிரசாத் ரணவீர மேற்கண்ட தகவலை தெரிவித்தார்.

அத்துடன், நான்கு வாரங்களுக்குள் நாட்டில் நான்கு மலேரியா நோயாளர்கள் இனங்காணப்பட்டுள்ளனர். அவற்றுள் தொடர்ந்து இரண்டு வாரங்களுக்குள் யாழ்ப்பாணம் மாவட்டத்தில் இரண்டு தொற்றாளர்கள் பதிவாகியுள்ளனர். இந்த வருடத்திற்குள் மொத்தம் ஆறு மலேரியா நோயளர்கள் அடையாளம் காணப்பட்டுள்ளனர். அவர்கள் அனைவரும் வெளிநாட்டிலிருந்து வந்தவர்கள்.

அவர்களில் நான்கு நோயாளிகள் தீவிர சிகிச்சைப் பிரிவில் சிகிச்சை பெற்று வருகின்றனர் என்றும் அவர் கூறினார்.

985 பேருக்கு டெங்குத் தொற்று

நாட்டில் கடந்த ஜனவரி மாதத்தில் மட்டும் 985 பேர் டெங்கு தொற்றால் பாதிக்கப்பட்டுள்ளனர் என்று சுகாதார அமைச்சின் தொற்றுநோய் விஞ்ஞானப் பிரிவு தெரிவித்துள்ளது.

வடக்கு மாகாணத்தில் 147 பேர் டெங்கு தொற்றால் பாதிக்கப்பட்டனர். இதில், 102 தொற்றாளர்கள் யாழ்ப்பாணம் மாவட்டத்தைச் சேர்ந்தவர்களாவர். கிளிநொச்சி மாவட்டத்தில் 20 பேரும், வவுனியாவில் 10 பேரும், மன்னாரில் 9 பேரும், முல்லைத்தீவில் 6 பேரும் டெங்கு தொற்றால் பாதிக்கப்பட்டுள்ளனர்.

இதேவேளை, டெங்கு பரவலில் கொழும்பு மாவட்டமே முதலிடத்தில் உள்ளது. அங்கு 245 பேர் டெங்கால் பாதிக்கப்பட்டனர். புத்தளத்தில் 242 பேரும், மட்டக்களப்பில் 125 பேரும், திருகோணமலையில் 108 பேரும் டெங்கால் பாதிக்கப்பட்டனர்.

எனினும், கம்பகா, களுத்துறை, அநுராதபுரம், பொலநறுவை, மொனராகலை, இரத்தினபுரி மாவட்டங்களில் எவரும் டெங்கு தொற்றால் பாதிக்கப்படவில்லை என்பதும் குறிப்பிடத்தக்கது