Thaenaaram | Tamil Obituary Notices | Remembrance Notices | Tamil Death Notices

தமிழ் மக்கள் விடுதலை புலிகள் கட்சியின் கிராமியக் குழு உறுப்பினர்களின் வேண்டுகோளுக்கிணங்க மட்டக்களப்பு மேற்கு கல்வி வலயத்திற்குட்பட்ட மட்/மமே/ உறுகாமம் சரஸ்வதி வித்தியாலய நூலகத்திற்கு தேவையான பெறுமதிமிக்க புத்தகங்களை தமிழ் மக்கள் விடுதலைப் புலிகள் கட்சியினர் வழங்கி வைத்தனர்.

இந் நிகழ்வில் பிரதம அதிதியாக கலந்து சிறப்பித்த இராஜாங்க அமைச்சர் சிவநேசதுரை சந்திரகாந்தன் அங்கு உரையாற்றுகையில்;

கல்வி தான் ஒருவரை உத்வேகப்படுத்தும், சிந்தனை ஆற்றலைத் தூண்டும். சிந்தனைதான் ஒருமனிதனை செயல்படத் தூண்டும். அந்த வகையில் எமது மாவட்டத்தினை கல்வி அறிவில் மேம்பட்ட ஒரு மாவட்டமாக கட்டியெழுப்பும் முகமாக பல வேலைத்திட்டங்களை மாவட்டம் பூராகவும் பரந்துபட்டு முன்னெடுத்து வருகின்றோம். அவ்வாறு மாவட்டத்தின் கல்வித் தரத்தினை மேம்படுத்த வேண்டுமாயின் நிட்சயமாக எல்லைப்புற மற்றும் பின்தங்கிய கிராமப்புற பாடசாலைகளின் கல்வித்தரத்தினை மேம்படுத்த வேண்டும்.