Thaenaaram | Tamil Obituary Notices | Remembrance Notices | Tamil Death Notices

மேலும், வடக்கு கிழக்கு உட்பட நாட்டின் பல இடங்களிலிமுள்ள பாடசாலைகள், முன்பள்ளிப் பாடசாலைகளிலும், மற்றும் கலாமன்றங்கள், அமைப்புகளின் ஏற்பாட்டிலும் கரோல் நிகழ்வுகளும், ஆராதனைகளும் இடம்பெற்று வருகின்றன.

இந்நிலையில் கிறிஸ்மஸ் தினத்தையொட்டி நாட்டிலுள்ள கிறிஸ்தவ தேவாலங்கங்களில் விசேட நள்ளிரவு ஆராதனைகளும் இடம்பெறவுள்ளன.
இதற்கமைய கிறிஸ்மஸ் தினத்தையொட்டி நாட்டிலுள்ள கிறிஸ்த தேவாலயங்களுக்கு விசேட பாதுகாப்பு வழங்குவதற்கு பொலிஸார் நடவடிக்கை எடுத்துள்ளனர்.

கிறிஸ்தவ தேவாலயங்களில் நடத்தப்படும் விசேட திருப்பலி ஒப்புக் கொடுத்தல் ஆராதனைகளின் போது பாதுகாப்புக்கான விசேட ஏற்பாடுகள் செய்யப்பட்டுள்ளன.

அனைத்து தேவாயங்களிலுமுள்ள அருட்தந்தைகளை சந்தித்து கலந்துரையாடல்களை நடத்தி அவர்களுக்குத் தேவையான பாதுகாப்பை வழங்குமாறு பொலிஸ் மா அதிபர், அனைத்து பொலிஸ் நிலையப் பொறுப்பதிகாரிகளையும் பணித்துள்ளார்.

இதற்கிடையில் கிறிஸ்மஸ், புது வருடம் உட்பட இந்த பண்டிகை காலத்தில் மின்வெட்டை அமுல்படுத்துவதில்லையென மின் சக்தி எரிசக்தி அமைச்சு தீர்மானித்துள்ளது.

இன்று 24, 25, 26 மற்றும் 31 ஆம் திகதியும், ஜனவரி முதலாம் திகதியும் மின்வெட்டு அமுல் நடத்தப்படமாட்டாதென அறிவிக்கப்பட்டுள்ளது.