Thaenaaram | Tamil Obituary Notices | Remembrance Notices | Tamil Death Notices

யாழ். போதனா மருத்துவமனையில் நேற்று ஞாயிற்றுக்கிழமை 156 பேரின் மாதிரிகளே பரிசோதனைக்கு உட்படுத்தப்பட்டன. இதில், 43 பேருக்கு தொற்று உறுதிப்படுத்தப்பட்டது.

கொரொனா தொற்றாளர்களின் விபரங்கள்;

யாழ். போதனா மருத்துவமனையில் 9 பேர், சங்கானை மருத்துவ அதிகாரி பிரிவில் 3 பேர், சாவகச்சேரி மருத்துவ அதிகாரி பிரிவில் 2 பேர், நொதேர்ன் சென்றல் ஹொஸ்பிற்றலில் ஒருவர், பருத்தித்துறை ஆதார மருத்துவமனையில் ஒருவர், தெல்லிப்பழை ஆதார மருத்துவமனையில் ஒருவர் என 17 தொற்றாளர்கள் இனங்காணப்பட்டனர். இது தவிர பலாலி இராணுவ முகாமில் ஐந்து தொற்றாளர்கள் அடையாளம் காணப்பட்டனர்.

முல்லைத்தீவு பொது மருத்துவமனையில் 4 பேர், மல்லாவி ஆதார மருத்துவமனையில் 3 பேர், புதுக்குடியிருப்பு ஆதார மருத்துவமனையில் ஒருவர் என மாவட்டத்தில் 8 பேரும், கிளிநொச்சி பொது மருத்துவமனையில் 3 பேரும் தொற்றாளர்களாக அடையாளம் காணப்பட்டனர். இரணைமடு தனிமைப்படுத்தல் முகாமில் ஒரு தொற்றாளர் இனங்காணப்பட்டார்.

மன்னார் மாவட்டத்தில் பொது மருத்துவமனையில் இருவர் அடையாளம் காணப்பட்டனர். வவுனியா மாவட்டத்தில் பொது மருத்துவமனையில் நால்வர், நெடுங்கேணி பிரதேச மருத்துவமனையில் ஒருவர், வவுனியா இராணுவ முகாமில் 2 பேர் தொற்றாளர்களாக உறுதிப்படுத்தப்பட்டனர்.

கொரொனா வால் உயிரிழந்தவர்களின் விபரம்;

கிளிநொச்சியில் உயிரிழந்த இருவருக்கு இன்று கொரோனாத் தொற்று உறுதி செய்யப்பட்டுள்ளது.

யாழ்.போதனா வைத்தியசாலையில் மேற்கொள்ளப்பட்ட பிசிஆர் பரிசோதனையில் அவர்கள் இருவருக்கும் தொற்று உறுதி செய்யப்பட்டுள்ளது.

சண்முகம் ஆசை (வயது 94), வைரவன் பாக்கியம் (வயது 84) ஆகியோரே உயிரிழந்தவர்களாவர்.