Thaenaaram | Tamil Obituary Notices | Remembrance Notices | Tamil Death Notices

இருப்பினும், வெள்ளிக்கிழமை (10) இரவு இந்திய மத்திய இணையமைச்சர் எல். முருகன் மற்றும் தமிழக பா. ஜ. க. தலைவர் அண்ணாமலை ஆகியோருடன் நடைபெற்ற விருந்துபசாரத்துடனான சந்திப்பின் பின்னர் அந்த முடிவை சில தமிழ் பாராளுமன்ற உறுப்பினர்கள் மாற்றிக்கொண்டுள்ளனனர் என்று தெரிவிக்கப்படுகிறது.

இந்த சந்திப்பின்போது, இணை அமைச்சர் முருகன் மற்றும் அண்ணாமலை ஆகியோர் யாழ்ப்பாண கலாசார மண்டபத்தைக் கையளிக்கும் வரலாற்று நிகழ்வில் அவர்களை பங்கேற்குமாறு கோரிக்கை விடுத்துள்ளனர். இதனை சாதகமாக பரிசீலிப்பதாக அதில் கலந்துகொண்ட பாராளுமன்ற உறுப்பினர்கள் தெரிவித்துள்ளனர்.

இந்நிலையிலேயே, யாழ்ப்பாண கலாசார நிலையத் திறப்பு விழா நிகழ்வில் தமிழ் எம்.பி.க்கள் பங்கேற்றிருந்தனர் என்று தெரிவிக்கப்பட்டது. இந்த நிகழ்வில் சுமந்திரன், சிறீதரன், செல்வம் அடைக்கலநாதன் ஆகியோர் பங்கேற்றிருந்தனர்.

13ஆவது திருத்தச் சட்டத்தினை முழுமையாக அமுலாக்க வேண்டும் - சுரேஷ் பிறேமச்சந்திரன்

இந்திய பிரதமர் நரேந்திர மோடியை சந்திப்பதற்கு உடனடியாக சந்தர்ப்பம் ஒன்றை ஏற்படுத்துமாறு இந்திய இணை அமைச்சர் எல். முருகன் மற்றும் தமிழக பா. ஜ. க. தலைவர் அண்ணாமலை ஆகியோரிடத்தில் கோரிக்கை தமிழ்த் தேசியக் கூட்டமைப்பு கோரிக்கை விடுத்துள்ளது.

தமிழ்த் தேசியக் கூட்டமைப்பின் பங்காளிக் கட்சிகளின் தலைவர்களான ரெலோவின் செல்வம் அடைக்கலநாதன், ஈ. பி. ஆர். எல். எவ்வின் சுரேஷ் பிறேமச்சந்திரன் ஆகியோரே மேற்படி கோரிக்கை விடுத்ததுடன் 13ஆவது திருத்தச்சட்டத்தை முழுமையாக அமுலாக்குவதற்கு இந்தியாவின் மேற்பார்வையுடன் பொறிமுறை ஒன்றை உருவாக்குமாறும் பரிந்துரைத்துள்ளனர்.

யாழ்ப்பாணம் வந்துள்ள இந்திய இணை அமைச்சர் எல். முருகன் மற்றும் அண்ணாமலை ஆகியோரை நேற்று சனி (11) இரவு சந்தித்துப் பேசியபோதே அவர்கள் இந்தக் கோரிக்கையை முன்வைத்தனர்.

அச்சமயத்தில், சுரேஷ் பிறேமச்சந்திரன், 13ஆவது திருத்தச் சட்டத்தினை முழுமையாக அமுலாக்க வேண்டும் என்பது இந்தியாவின் நீண்டகாலக் கோரிக்கையாக உள்ளது. ஆனால், தற்போது இலங்கையில் அதற்கு எதிரான போராட்டங்கள் வலுவடைந்து வருகின்றன.

இதேநேரம், இந்தியாவுக்கும் இலங்கைக்கும் 1987ஆம் ஆண்டு உடன்படிக்கை செய்துகொள்ளப்பட்டதை அடுத்து அரசமைப்பில் உள்ளீர்க்கப்பட்ட 13ஆவது திருத்தச்சட்டத்துக்கும் தற்போது நடைமுறையில் காணப்படுகின்ற அதன் வடிவங்களுக்கும் இடையில் பெரும் வேறுபாடுகள் காணப்படுகின்றன என்றும் சுட்டிக்காட்டினார்.

சடலமாக மீட்க்கப்பட்ட வயோதிபர்

தொண்டைமானாறில் தோட்ட கிணறு ஒன்றிலிருந்து வயோதிபர் ஒருவரின் சடலம் நேற்று ஞாயிற்றுக்கிழமை மீட்கப்பட்டது.

இவ்வாறு சடலமாக மீட்க்கப்பட்டவர் அண்ணா சன சமூக நிலையம், கெருடாவில் தெற்கு தொண்டைமானாறைச் சேர்ந்த ஆ. பாலசிங்கம் (வயது- 71) என்பவராவார்.

வீட்டிலிருந்து சற்றுத் தொலைவில் உள்ள தோட்டக் கிணற்றிலிருந்து சடலம் மீட்கப்பட்டது.

பிரேத பரிசோதனைக்காக சடலம் பருத்தித்துறை ஆதார மருத்துவமனையில் ஒப்படைக்கப்பட்டுள்ளது.

நூறு கோடி மக்களின் எழுச்சி

மன்னார் மாதர் அபிவிருத்தி ஒன்றியம் எதிர்வரும் 14.02.2023 செவ்வாய் கிழமை காலை 9 மணியிலிருந்து காலை 11 மணிவரை பெண்களுக்கெதிரான வன்முறையற்ற வாழ்வைக் கொண்டாடுவோம் என்ற நூறு கோடி மக்களின் எழுச்சி நிகழ்வினை நடாத்துக்கின்றது.

நடைபெற இருக்கும் இவ்நிகழ்வானது மன்னார் மாவட்ட செயலகத்துக்கு முன்னால் சுமார் நூறு பெண்களுடன் கொண்டாடுவதற்கான ஏற்பாடுகள் மேற்கொள்ளப்பட்டுள்ளதாக மன்னார் மாவட்ட பெண்களுக்கான அமைப்பின் மாவட்ட இணைப்பாளர் திருமதி மகாலட்சுமி குருசாந்தன் தெரிவித்துள்ளார்.

குறித்த இவ்நிகழ்வில் பாடல்கள் மற்றும் பெண்கள் பறை அடித்தல் போன்ற நிகவுகள் இடம்பெற இருக்கின்றன.