Thaenaaram | Tamil Obituary Notices | Remembrance Notices | Tamil Death Notices

நான் இங்கு ஆணையாளராக கடமையேற்று கிட்டத்தட்ட 05 மாதங்கள்தான் கடந்திருக்கின்றன. இப்புதிய ஆண்டில்தான் ஊழியர்களின் ஒரு நிதி ஆண்டுக்குரிய முழுமையான செயற்பாட்டினை அளவிடக்கூடிய வாய்ப்பு கிடைக்கும் என எதிர்பார்க்கின்றேன்.

ஆகையினால் எங்களிடம் பல குறைபாடுகள் இருக்கலாம். அவற்றையெல்லாம் நிவர்த்தி செய்து நல்லதொரு பயணத்தை மேற்கொள்வதற்கான ஒத்துழைப்புக்களை ஊழியர்களிடம் எதிர்பார்க்கின்றேன்.

கடந்த காலங்களை விட இரட்டிப்பான சேவைகளை வழங்க முன்வர வேண்டும் என அனைத்து ஊழியர்களுக்கும் அழைப்பு விடுக்கின்றேன். அந்த வகையில் எல்லோரும் சிறப்பாக செய்யப்படுவீர்கள் என்ற எதிர்பார்ப்பு இருக்கிறது.

கடந்த 2022ஆம் ஆண்டு மிகவும் அர்ப்பணிப்புடன் சிறப்பாக சேவையாற்றிய 15 ஊழியர்களை ஒரு குழுவின் மூலம் தெரிவு செய்து, கௌரவிப்பதற்கு ஒழுங்குகளை மேற்கொண்டு வருகின்றோம்.

ஊழியர்களை ஊக்குவிப்பதற்காகவும் அதன் மூலம் சிறப்பான மக்கள் சேவையை வழங்க வேண்டும் என்பதற்காகத்தான் இப்படியொரு கௌரவிப்பு விழாவை ஏற்பாடு செய்கிறோம். ஆகையினால், நமது சக ஊழியர்கள் பாராட்டப்படுவதை இன்முகத்துடன் வரவேற்று, ஒத்துழைப்பு வழங்க அனைவரும் முன்வர வேண்டும்.

அத்துடன் ஊழல், மோசடி, இலஞ்சம் அற்ற நிர்வாகங்களை கட்டியெழுப்ப வேண்டிய தேவை எமக்கிருக்கின்றது. ஆகையினால் அனைத்து ஊழியர்களும் ஊழல், மோசடி, இலஞ்சம் மற்றும் முறைகேடுகளுக்கு துணைபோகாமல், அவற்றுக்கு எதிராக செயற்படுகின்ற ஊழியர்களாக மாற வேண்டும். இவற்றுக்கு அடிப்படை காரணிகளாக இருப்பவற்றை அடையாளப்படுத்தி, வெளிப்படுத்த வேண்டும் என கேட்டுக்கொள்கின்றேன்.

கிழக்கு மாகாணத்திலுள்ள 45 உள்ளூராட்சி சபைகளில் ஒரு முதன்மையான சபையாக நமது கல்முனை மாநகர சபையை தூக்கி நிறுத்துவதற்கான அனைத்து முயற்சிகளையும் முன்னெடுக்க எதிர்பார்த்துள்ளோம். ஊழியர்களின் ஒத்துழைப்பு முழுமையாக இருக்குமாயின் இதனை இலகுவாக சாத்தியப்படுத்திக் கொள்ளலாம் என்று அஸ்மி வலியுறுத்திக் கேட்டுக் கொண்டார்.