மட்டக்களப்பு ரோட்டரி கழக புதிய தலைவர் தேர்வு

உறவுகளின் துயர் பகிர விஷேட இணையத்தளம் <<<< விபரங்களுக்கு கிளிக் செய்க

மட்டக்களப்பு ரோட்டரி கழக ஹெரிடேஜ் 2022-2023 ஆண்டுக்கான புதிய எட்டாவது தலைவராக வைத்திய கலாநிதி குகதாசன் மயூரேஷன் பதவி பிரமாணம் செய்து கொண்டார்

மட்டக்களப்பு மாவட்டத்தின் ரோட்டரி கழகத்தின் ஹெரிடேஜின் 7வது ஆண்டு நிறைவு விழாவும், மட்டக்களப்பு ரோட்டரி கழக ஹெரிடேஜ் 2022-2023 ஆண்டுக்கான புதிய தலைவர் பதவி பிரமாண நிகழ்வும், ரோட்டரி கழக மட்டக்களப்பு ஹெரிடேஜ் தலைவர் ஜி நிர்மல்ராஜ் தலைமையில் நடைபெற்றது .

இந்நிகழ்வில் ஆரம்ப நிகழ்வாக மட்டக்களப்பு ரொட்டரி கழக ஹெரிடேஜ் உறுப்பினர்களினால் அதிதிகளான சிரேஷ்ட ரோட்டரி கழக ஹெரிடேஜ் உறுப்பினர்களுக்கு மலர் மாலை அணிவித்து அழைத்து வரப்பட்டனர் .

அதிதிகள் வரவேற்பை தொடர்ந்து மங்கல விளக்கேற்றலுடன் ஆரம்பான நிகழ்வில், மட்டக்களப்பு ரோட்டரி கழக ஹெரிடேஜ் உறுப்பினர்களின் கடந்த கால சமூக பணிகள் தொடர்பாக விரிவாக கலந்து கொண்ட அதிதிகளால் எடுத்துரைக்கப்பட்டது. அத்தோடு அவர்களின் சேவை நலனை பாராட்டி நினைவு சின்னங்களும் வழங்கி வைக்கப்பட்டது.

இதனை தொடர்ந்து புதிய மட்டக்களப்பு ரோட்டரி கழக ஹெரிடேஜ் தலைவராக வைத்திய கலாநிதி குகதாசன் மயூரேஷன் தெரிவு செய்யப்பட்டார்.

இந்நிகழ்வில் பிரதம அதிதியாக கிழக்குப் பல்கலைக்கழக சிரேஷ்ட விரிவுரையாளரும், வைத்திய நிபுணருமான கே. இ . கருணாகரனும், விசேட அதிதிகளாக மட்டக்களப்பு பிராந்திய சுகாதார சேவைகள் பணிப்பாளர் வைத்திய கலாநிதி ஜி. சுகுணன் மற்றும் மட்டக்களப்பு ரோட்டரி கழகத்தின் மட்டக்களப்பு ஹெரிடேஜ் உறுப்பினர்களும் கலந்து கொண்டனர்.