Thaenaaram | Tamil Obituary Notices | Remembrance Notices | Tamil Death Notices

நான்கு வருடங்களாக மன்னார் மாவட்ட செயலகத்தில் மேலதிக அரசாங்க அதிபராக கடமையாற்றிய எஸ். குணபாலன் முல்லைத்தீவு மாவட்ட செயலகத்துக்கு மேலதிக அரச அதிபராக இடம்மாற்றம் பெற்றுச் சென்றுள்ளார்.

மன்னார் மாவட்ட மேலதிக அரசாங்க அதிபராக இம் மாவட்ட செயலகத்தில் இரு அரசாங்க அதிபரின் கடமை காலங்களில் நான்கு வருடங்கள் கடமைபுரிந்து வந்த எஸ். குணபாலன் முல்லைத்தீவு மாவட்ட செயலகத்துக்கு மேலதிக அரசாங்க அதிபராக பொறுப்பேற்றுள்ளார்.

கடந்த வியாழக்கிழமை (03.03.2022) முல்லைத்தீவு மேலதிக அரச அதிபராக கடமையேற்றுள்ள இவர், மன்னார் மாவட்ட மேலதிக அரச அதிபராக கடமையேற்பதற்கு முன் துணுக்காய் மற்றும் ஒட்டுச்சுட்டான் பிரதேசங்களின் பிரதேச செயலாளராக கடமை புரிந்திருந்தமையும் குறிப்பிடத்தக்கது.

இவர் மன்னார் மாவட்டத்தில் கடமைபுரிந்த காலங்களில் கொரோனா காலப்பகுதிகளிலும் மன்னாரில் பெரும் வெள்ளம் ஏற்பட்ட இக்கட்டான காலங்களில் மன்னார் மாவட்ட அரசாங்க அதிபருடன் இணைந்து தீவிர செயல்பாட்டில் ஈடுபட்டிருந்ததையும் காணக்கூடியதாக இருந்தது.