Thaenaaram | Tamil Obituary Notices | Remembrance Notices | Tamil Death Notices

பயங்கரவாத தடைச்சட்டத்தை முற்றாக நீக்குமாறு கோரி வவுனியாவின் பல்வேறு இடங்களில் கையெழுத்துப்போராட்டம் இன்று திிங்கட்கிழமை முன்னெடுக்கப்பட்டது.

இலங்கை தமிழரசுக் கட்சியின் ஏற்ப்பாட்டில் இந்த போராட்டம் முன்னெடுக்கப்பட்டதுடன் காலை 8.30 மணிக்கு வவுனியா பழைய பஸ் நிலையப் பகுதியிலும் பின்னர் இலுப்பையடி உட்பட நகரின் சில பகுதிகள், செட்டிகுளம் போன்ற பகுதிகளில் இந்தப் போராட்டம் முன்னெடுக்கப்பட்டது.

இந்த நிகழ்வில் தமிழரசுக் கட்சியின் தலைவர் மாவை சேனாதிராசா, பாராளுமன்ற உறுப்பினர்களான சி. சிறிதரன், எம்.ஏ. சுமந்திரன், கட்சியின் செயலாளர் ப. சத்தியலிங்கம், வாலிபர் முன்னணியின் தலைவர் கி. சேயோன் உட்பட பலர் கலந்துகொண்டனர்.