Thaenaaram | Tamil Obituary Notices | Remembrance Notices | Tamil Death Notices

தான் வழமை போன்றே நலத்துடன் இருப்பதாக பிரதமர் மஹிந்த ராஜபக்ஷ அவர்கள் தெரிவித்தார் என பிரதமரின் ஊடகப்பிரிவு தெரிவத்துள்ளது

பிரதமர் வைத்தியசாலையில் அனுமதிக்கப்பட்டு சிகிச்சை பெற்று வருவதாக சமூக வலைத்தளங்களில் ஒழுங்கமைக்கப்பட்ட குழுவொன்றினால் முன்னெடுக்கப்பட்டு வரும் பொய்யான பிரசாரங்கள் தொடர்பில் கருத்து தெரிவிக்கையிலேயே பிரதமர் இவ்வாறு குறிப்பிட்டுள்ளார் என தெரிவிக்கப்பட்டுள்ளது.

நோயாளியை பார்ப்பதற்கேனும் தான் இத்தினங்களில் வைத்தியசாலைக்கு செல்லவில்லை எனத் தெரிவித்த பிரதமர் அவர்கள், தான் உடற்பயிற்சியில் ஈடுபட்டு சிறந்த ஆரோக்கியத்துடன் இருப்பதாகவும் குறிப்பிட்டுள்ளார்.

அதற்கமைய பிரதமர் நோய்வாய்ப்பட்ட நிலையில் தனியார் வைத்தியசாலையில் சிகிச்சை பெற்று வருவதாக வெளியாகிவரும் செய்திகள் உண்மைக்கு புறம்பானவையாகும் எனவும் அவரின் ஊடகப்பிரிவு மேலும் தெரிவித்துள்ளது.